ئەژین عدنان حیدر؛ فؤاد حسێن احمد
پوخته
مۆسیقا پێكهاتەو بناغەیەكی سەرەكی شیعرە، دەبێتە مایەی هاوسەنگی بۆی، چونكە ئەو ڕیتمەی لەشیعردا هەیە ...
زیاتر بخوێنەوە
مۆسیقا پێكهاتەو بناغەیەكی سەرەكی شیعرە، دەبێتە مایەی هاوسەنگی بۆی، چونكە ئەو ڕیتمەی لەشیعردا هەیە لەمۆسیقاوە بۆی ماوەتەوە، هەروەها ئەوڕەگەزانەشی كەهیچ پەیوەندی وهاوسەنگییان نییە، بەهۆی مۆسیقاوە هاوسەنگ دەبن. كێشیش ڕەگەزێكی سەرەكی وبنەمایەكی گرنگە بۆجیاكردنەوەی شیعر لەژانرەكانی تری ئەدەب، ڕۆڵی هەیە لەدروستبوون و پێكهێنانی مۆسیقای دەرەوەی شیعربەگشتی وشیعری كلاسیكی بەتایبەتی، ئەم ڕۆڵەش لەڕیگەی دابەشكردنی شیعرەكە بەسەر بڕگەی كورت ودرێژو تەفعیلەكانداو دووبارەبوونەوەی ماوە زەمەنییەكان ووەستانە عەرووزیەكان دروست دەبێت، هەرئەمەش وادەكات لەڕوانگەیەكی مۆسیقییەوە لەكێش بڕوانین وبەبنەمایەكی سەرەكی مۆسیقای شیعری دابنێین، ئەم توێژینەوەیە، كەبەناونیشانی (مۆسیقای كێش وقاڵبە كێشەكانی شیعری حەمدی)یە. هەوڵیكە بۆدیاریكردن وخستنەڕووی مۆسیقای كێش وقاڵبەكێشەكانی شیعری "حەمدی"توێژینەوەكە، بەپێی میتۆدی (وەسفیی شیكاری)، ئامادەكراوە،لە پێشەكییەك ودووبەش پێكهاتووە، لەبەشی یەكەمدا، چەمك وزاراوەی هەریەك لەمۆسیقاو كێش بەرباس دراوە و لەوبارەیەوە كۆمەڵێك بۆچوونی نووسەران خراوەتە ڕوو، دواترلەباسی كێشدا ئاماژە بە كێشی عەرووزی عەرەبی دراوە.بەشی دووەمیش،بەشیێكی پراكتیكییە، مۆسیقای هەریەك لەو قاڵبە كێشانە خراوەتەڕوو كەحەمدی لەشیعرەكانیدا بەكاریهێناوە، قاڵبە كێشەكانیش پێكدێت لەقاڵبە كێشی( هەزەج، ڕەمەڵ، موزاریع، موتەقاریب، خەفیف، ڕەجەز، موجتەس)، دواتر ڕێژەی بەكارهێنانی هەریەك لەوقاڵبانە خراوەتەڕوو، لەكۆتایشدا ئەنجام وسەرچاوەكان و پوختەی توێژینەوەكە بەزمانی عەرەبی وئینگلیزی دەبینرێت.
